Shillong Naitung 17: Ka BJYM Shillong City District hynne ka sngi Thohdieng, kala pynlong ia ka jingialang ban kynmaw burom ia ka lyngkhuh sngi iap ba 191 jong u Syiem Tirot Sing, u khla wait ka ri, uba lah iai bteng ban pynshlur bad ban ai ia ka mynsiem ieid ri ia ki pateng ban dang wan jong ka jylla Meghalaya.
La sdang ia kane ka prokam da ka jingbuh syntiew kum ka dak burom ia une u nongialeh laitluid ka ri bad hadien kane la sam ia ki khusnam sh ki nongjop ha ka jingiakob ‘Online Reel Making Competition’ kaba la pynlong halor ka mat “Inspiration of U Tirot Sing to Youths in Taking Up the Nation First Policy”.
Da ki spah ngut kila iashimbynta ha kaban shna ia kine ki ‘Reels’ ha kaba ki Reels kiba la shna da u Rishotbaskhem Kharlyngdoh, Lasanshwa Rani bad
Kamwadathrang Rabon kila ioh khur ia ka khusnam.
Ia kane ka jingialang, u Dr. Bernard Lyngdoh u Neurosurgeon ba pawnam ka Meghalaya ula long kum u kongsan ha ryngkat ka jingdonlang ki nongialam jongka Bharatiya Janata Party bad ka kynhun jong ka Yuva Morcha.
Ka seng ha kane ka sngi kynmaw burom, kala pynbna paitbah ruh ia ka jingthaw ia ka kynhun jong ka Shillong City BJYM.
