Shillong, Jylliew 21 : Ka surok National Highway-06 ha East Jaintia Hills, kala kynjah slam slam na ka jingtreikam jong ka pakhang shnong bala khot pynlong da ka Joint Action Committee (JAC).
Kane ka pakhang surok kala iaid mynta ha ka sngi kaba lai bad la pynlong ia kane ka jingiakhih namar ka jingbym lah jong ka NHAI ban maramot noh ia ka surok kaba la jot rathai naduh Tongseng sha Ratacherra.
Kane ka pakhang surok kan treikam sa ha kine ki lai sngi ban wan.
Kumba long mynta, ka NHAI kala sdang ban maramot ia ki katto katne ki bynta jong kane ka surok.
Ia kane ka jingiakhih ka JAC la kyrshan lang da ki paidbah nongshongshnong ka thain, ki Shnong bad ki Seng jong ki nongniah kali, kiba la mad ia shibun ki jingeh namar ka jingsniew palat jong ka surok.
