spot_img

Kyndit u Scindia ia ka Plan ka Meghalaya ban kyntiew ia ka New Shillong Investment Area

Date:

Share post:

Shillong, Naitung 13: U Myntri ka Sorkar Pdeng uba khmih iaka Development of North Eastern Region (DoNER) Jyoitraditya Scindia ha ka sngi Thohdieng, ula pynpaw iaka jingkyndit halor ka jingiohi jngai ka sorkar Meghalaya ban kyntiew ia ka New Shillong Investment Area.

Haba iakren bad ki nongthoh khubor hadien ba la wai ka jingialang shong bishar kam halor ki projek ha ka thaiñ, u Scindia ula ong, “Nga dap da ka jingkyndit bad sngewtynnad ia ka jingthmu u Myntri Rangbah ka jylla na ka bynta ka New Shillong Investment Area”.

U Scindia ula ong ba u Conrad Sangma ula pyntip ia u shaphang ka jingthmu ban tei iaka Directorate kaba thymmai na ka bynta ka Shillong Investment Area Project bad pyntip ba ula ai ia ki jingmut ruh ia u Myntri Rangbah ka Jylla halor katei ka bynta.

“Nga lah ai ia ki jingai jingmut ha ka jingaikren hapdeng ka jong ngi, ha kaba kumno ngi dei ban peit na ka bynta ka sor kaba thymmai” ong u Scindia.

Ula pyntip ba ula kdew ia ki bynta kiba kongsan kiba lah ban kyntiew bha iaka Meghalaya bad ka jylla ka dei ban pynleit jingmut bha ha ka liang ka kam jngohkai, ka rep ka riang bad ha ka Information Technology.

U Myntri ka sorkar pdeng ula ong ba ka tnad DoNER kan ym trei tang ha kaba iadei bad ki projek jong ki riewshimet hynrei kan trei ruh ha kaba iadei bad ka “macro strategy” hapoh Meghalaya.

Ula aiksai ba ka Meghalaya ka don bha ia ka lad namar ka don ruh marjan bad ka ri Bangladesh bad kumta ka dei ban shim ia ki lad ki lynti na ka bynta ban kyntiew iaka iew ka hat ban khaii pateng bad ban pyniasoh ruh bad kiwei pat ki ri.

Share post:

spot_img
spot_img

Popular

More like this
Related

Angnud u Myntri ban pynmih ia ka thup jingrwai ba thoh bad rwai da ki briew ba duna dkhot met

Shillong, Naitung 04: U Myntri ka tnat Social Welfare...

Poi u sohmarit ka SWGH sha ki iew ha Mumbai

Shillong, Naitung 4: Ka long shisha ka jingjop ba...

Durand Cup 2025 | Nang rung ka lympung sha ki 5 Jylla- WB, Jharkhand, Assam, Meghalaya bad Manipur

Guwahati, Naitung 04: Ka President jong ka India, ka...

Iakynduh u VC ka NEHU ia ka Counsellor ka Russia | Iasyllok ia ki jingplie lad ia ki samla pule sha ka pyrthei

Shillong Naitung 04: Ka North-Eastern Hill University (NEHU), Shillong,...