Nongstoin, Jylliew 23 : Ki runar ki bym lah ban tip ki don katno ngut, kila kyndang jubor ia kawei ka dukan die jain ha Iew Nongstoin bad rong tuh ia ki mar kiba shongdor haduh T.60 hajar eiei.
Kane ka jingjia kala jia hynnin ka miet 22 tarik Jylliew, suba ki Pulit kiba pyntip ba kane ka dukan ka dei jong I Kong Birislinda Khardewsaw iba shong ba sah ha Tiehbah.
I Kong Birislinda I iathuh ba hynne mynsngi katba i dang don ha Iingmane, ila ioh pdiang ia ka phone call na uwei u nongkti daju uba sah ha Iew, ba pyntip ia kane ka jingjia.
I iathuh ba mar mar ila wan khmih ia ka dukan bad lap ba ki runar kila kyndang ia ka dukan na ki bynta ba shadien.
Haba kylli, I pyntip ba ki runar ki rong tuh ia bun ki jain bad ki shakri ba rem dor, ha kaba la antad ba ki tiar baroh kiba la shah tuh kila kynjoh sha ka T.60 hajar shaneng.
La pyntip ba une u daju ula lap ia kane ka jingshah kyndang ka dukan ha ka por ba u dang mut leit thad ia ki jain phong ba u dep sait.
