Nongstoin, Lber 04 : Ka Dorbar Shnong Langja, West Khasi Hillsbad ka seng Hynniewtrep Youth Council, hynnin ka miet sngi U Blei, kilaleit kyndang ia ki bar jylla kiba wan trei hapoh ka Post Office jong ka shnong Langja.
Ka Dorbar Shnong bad ka HYC kila pynlong ia ka jingkhynra hynnin ka miet por 9 baje eiei hapoh Shnong bad lap ia ki katto katne ki bar jylla kiba la wan trei hapoh ka Post Office khlem da don ia ki kot ki sla kiba biang kynthup ka No Objection Certificate (NOC) na ka Shnong.
Ha kane ka jingkhynra, ka Dorbar Shnong kala lap ba ki don ki briew kiba kam kum u Sordar Shnong, uba la ai NOC tuh sha kitei ki bar jylla.
La iathuh ruh ba tang namar ka jingleh une u briew uba kam Sordar Shnong, kala mih ka jingiania kaba jur hapdeng ki para nongshongshnong kiba pyrshah bd kiba iashah ia kine ki bar jylla bad kiba la ai iing sah wai ruh ia kine ki briew.
Halor kane ka jingshem, ka Dorbar Shnong bad ka HYC kala leit ban ujor da ka ejahar ha u Officer Incharge ka Langpih AD Camp pyrshah ia une u briew.
Ka Dorbar Shnong bad ka HYC kala dawa ia ki bor ka ain ba kin kem mardor ia une u briew uba leh ia katei ka kam bymman bad ban ai ka jingpynsajia ba tyngeh.
 na ka Shnong.){kind=link}