Shillong, Jymmang 07 : Kawei ka trok kit umphniang petrol kala kylla bad leit rat ia artylli ki kali ha ka thain Mawblei hynne ka sngi U Blei.
Kane ka jingkylla kala pyntuid lut ia ka umphniang sha surok bad lam sha ka jingdheng kali kaba jur ha ka surok Shillong-Jowai. Ki kali pynlip ding kila her wut wut sha katei ka jaka ban pynkhuid ia kane ka umphniang da kaba synreit um ha shi lynter ka surok.
Kat kum ka khubor, kane ka trok kit umphniang ka don jingthmu ban leit buh umpniang sha ka Thangkhiew Service Station kaba don ha Mawlai.
Kat haduh ba thoh ia ka khubor, ym pat don satia kano kano ka jingjia kaba sngewsih.
