Shillong, Nohprah 06 : Ki Nongkhaii dewiong kila kyntu ia ka Sorkar Jylla ba kan ai noh ia ki challan bala shu ieh khlem pyndonkam jong ka kam lilam dewiong u bnai Jymmang bad Naiwieng khnang ban ioh khaii noh ia une u mar kat kum ka lynti ka ain shuwa ban poi ka shuti Khristmas.
Kane ka jingkyrpad kala wan u President ka Meghalaya People Coal Trader Welfare Association John Frankie Rymbai, lyngba ka kyrwoh bala phah hynne ka sngi.
“Namar ka aiom lehkmen kala wan kumne, baroh ki nongkhaii kila wan iakynduh ia nga ban pynbor ia ka Sorkar ba kan shah bad sdang biang ia ki (nongkhaii) ba kin khaii iala u dewiong sha kylleng ki jaka da ka lynti ka ain, da kaba pyndonkam ia ki challan bad ki bill” Ula ong.
“Kane kan iarap ia ki nongkhaii ba kin pynpoi ia ka mar sha kylleng ki jaka ka Ri India da ki challan bad ki bill ba dei hok bad kan tehlakam ia ka jingduh ei ka Jylla ia ka khajna” ula bynrap.
