Shillong Rymphang 29: U MLA ka BJP na South Shillong Constituency Bah Sanbor Shullai hynne ka sngi Palei, ula pyntip ba shen yn leit sha Delhi ban iakren bad ka Sorkar Pdeng ba kan pyllait pura noh ia ka Meghalaya naka jingpyntreikam ia ka Citizenship Amendment Act (CAA).
“Shen ngan leit noh sha Delhi bad ngan shimkhia ia katei ka mat bad ki nongialam kiba hakhlieh jong ka seng BJP” ong u Bah Sanbor Shullai haba iakren bad ki nongthoh khubor.
U Bah Sanbor ula pynkynmaw da kaba ong “Ka jingdawa ka jong ngi ha kitei ki por ka long ban pyllait pura noh ia ka jylla Meghalaya namar ba kadei ka jylla jong ki riewlum na ka CAA.”
Kumba long mynta, la pyllait ia ka jingpyntreikam ia ka CAA ha Meghalaya tang ha ki jaka kiba hap hapoh u pud u sam jong ka Sixth Schedule Area.
.){kind=link}