Shillong, Jymmang 04 : Ka Meghashree Roy jong ka St.Mary’s Higher Secondary School, Shillong, kaba ioh ia ka kyrdan ba nyngkong ha ka arts stream ha ka eksam HSSLC 2026, kala ong ba ka “kyndit bad sngewkmen ruh ha kajuh ka por” hadien ba ka jingpynbna result ka MBoSE ha ka sngi Nyngkong.
“Nga da kyndit shisha bad nga sngew kmen ruh namar ngam ju khmih lynti ialade ba ngan ioh ia ka khyrdan ba nyngkong hynrei nga la kmen shisha” ong ka Roy kaba ioh haduh 457 mark ban ioh ia ka kyrdan ba nyngkong.
Halor ki buit pynkhreh jong ka, ka Roy kala ki external reference book ne ki kot jingtip ba nabar ba lah ban khmih lang, kim long satia kiba donkam.
“Phim donkam ia ki tyllong jingtip ba nabar lane kiwei ki kot. Ka shu long ba phi hap ban pule bha ia ki kot bala ai da ki skul” kala ong.
Haba kylli, kala bynrap “Nga tharai nga la pynkhreh bha. Ka long kaba suk bha ia nga, watla ki don katto katne ki jingkylli kiba eh ha ki katto katne ki sobjek. Hynrei baroh hi ka dei ka eksam kaba suk. Lada phi pule, phin lah ban kamai marks”.
Ka Roy ka don jingthmu ban pule ia ka political science hadien ba ka pass ia ka CUET.
“Nga thmu ban pass ia ka CUET bad leit sha ka University ban pule Political Science bad khatduh ngan iakhun ia ka eksam civil service” kala ong “Nga kwah ban long ka ophisar civil service. Nga ju peit bha ia ki interview UPSC bad nga la pynkreh ia ka UPSC general knowledge quiz namar ka long kaba kongsan ia nga na ka bynta ban pynkhreh ia ka CUET”.
Ka Principal ka St. Mary’s Higher Secondary School, Sonai Chacko, ka ong ba ka result ka pyni ia ka jinglong jong ka skul.
“Ka jingjop ka dei ka jingmih na ka jingiai leh bha, jingtrei shitom, jingtista bad jingkut jingmut kaba khlain jong ki nonghikai bad ki samla pule jong ngi” ong ka Chacko.
