Shillong, K’lyngkot 05 : Ka Bharatiya Janata Party (BJP) Meghalaya, kala ban jur ia ka jinglong kong san ka jingker sainar shiah ha khappud India-Bangladesh haba pynpaw ia ka jingkwah ban pyndep noh ia kane ka project ha shilynter ki khappud ka Meghalaya.
“Ka jingker sainar ia ka khappud bad ka Bangladesh ka long kaba kongsan bha. Ngi sngewkhia bha halor ki jaka khappud jong ngut bad ka Bangladesh bad ngi kyrmen ban pyndep noh kloi ia ki jingker bad ba ki paidbah kin sngewthuh ba ka jingker sainar ka long kaba kongsan” ong u General Secretary ka BJP Bah Wankitbok Pohshna haba iakren bad ki nongthoh khubor ha ka sngi Nyngkong.
Ula kdew ba ka Sorkar Pdeng kala shimkhia bha ia kane ka kam hadien ba ka BJP kala shimti biang ia ka bor ban synshar ia ka ri.
“Ka dei tang hadien ba shimti ka BJP ia ka Sorkar ba ia ka kam ker sainar shiah la shimkhia bha” ula ong.
U Bah Pohshna ula kren ruh halor ka jingiaid ki jingtei ha ki jaka khappud bad ong “Lada phi khmih ia ki jingroi ki jingtei ha ki jaka khappud, lah nang pynkhlain ia ki hadien ba ka Sorkar BJP ka shimti ia ka bor. KI kam kila iaid shaid shaid bad ngi khmih lynti ba ki jingker sainar ruh yn sa dep noh”.
Une u nongialam ka BJP ula pynrem ruh ia ki jingbyrngem ba mih na Bangladesh ha ki rynsan social media, da kaba ong ba ki dei “ki bym lah ban pdiang” haba ban jur ba ka party kan iai peitngor bha ia kane.
“Ngi la iohi ia ki jingbyrngem lyngba ki social media bad ngim lah ban pdiang ia kane” ula ong haba pynpaw ba ki jing byrngem ia ki Jylla ka thain Shatei Lam Mihngi ka dei kaba sammut, bad ong ba ka thain Shatei Lam Mihhngi ka dei ka bynta ba kongsan jong ka ri India bad ka ioh ia ka jingiada kaba khlain bha.
 Meghalaya, kala ban jur ia ka jinglong kong san ka jingker sainar shiah ha khappud India-Bangladesh haba pynpaw ia ka jingkwah ban pyndep noh ia kane ka project ha shilynter ki khappud ka Meghalaya.){kind=link}