Shillong, Iaiong 03: Ki sengsain pyrthei ba iadon lang hapoh ka sorkar Meghalaya Democratic Party (MDA 2.0) kata ka Bharatiya Janata Party (BJP) bad ka United Democratic Party (UDP), kila pynpaw ba kala donkam iaka Sorkar ba kan wanrah noh ïa ka Common Minimum Program (CMP) ban pyntreikam ha ka Jylla.
Haba kren sha ki lad pathai khubor u Nongialam ka BJP bad Myntri Sorkar bah A.L Hek ula ong baroh ki seng saiñ pyrthei kiba don hapoh ka MDA 2.0 kila kwah iaka sorkar ba kan wanrah noh ïa ka Common Minimum Program (CMP).
U bah Hek u la ong ba ha ka jingïalang ka ban sa long jong ka MDA, kum u nongialam ka BJP un sa iakren bad u Myntri Rangbah ka jylla u Conrad K Sangma ban pynbor ïa ka sorkar ba kadei ban wanrah ïa ka CMP.
Ula ong ba ka seng BJP ka dei ka seng kaba rit bha hapoh ka sorkar MDA 2.0 bad kaei kaba don ha ki jingmut jingpyrkhat, ha ka mat treikam bad ha ka nongrim jong ka seng, yn wanrah bad kynthup katba lah hapoh ka Common Minimum Program.
Kumjuh ruh u President ka UDP bah Metbah Lyngdoh ula ong ba ka Party kan sa iakren ia kane ka kam bad u Myntri Rangbah ka jylla u Conrad K Sangma hadien ba u wanphai nabar jylla.
U bah Metbah ula ong ba u Conrad mynta ka kynti u dang bunkam haba iadei bad ka jingpyndep iaki jingthung briew ha ki tnat treikam sorkar bapher bapher.
