Shillong, Jymmang 11 : U Symbud Myntri Rangbah ba khmih ia ka Tnad Urban Affairs Bah Sniawbhalang Dhar ula ong ba ka Sorkar Jylla kala kut jingmut skhem ban pynkynriah noh ia ki 342 tylli ki Longiing jong ki Harijan na Them Metor, Them Iew Mawlong.
Haba pynpaw ba ka jingdawa jong ki paid Harijan ka dei kaba palat liam, u Bah Sniawbha haba iakren bad ki nongthoh khubor hynne ka sngi Palei ula ong “Kam long long. Shisha, kam lah long namar ka jingdawa jong ki ka long kaba palat”.
U Symbud Myntri Rangbah ula ong ba ka Sorkar Jylla kala file ia ka affidavit hapoh ka Iingkashari Meghalaya High Court bad ong “Ngi la file ia ka affidavit ba ki Harijan kim shym la pdiang ia ka jingtyrwa jong ka Sorkar. Ngi la pyntip ia ka Iingkashari kumba ka long”.
Hynrei, namar ba u Symbud Myntri Rangbah ba khmih ia ki kam pohiing uba dei ruh u Chairman ka High Level Committee (HLC) Bah Prestone Tynsong u dang don shabar ka Jylla. Kumta ka Sorkar kan sa shim ia ka rai ha ka taiew ban wan, pyntip u Bah Sniawbhalang.
Haba kyntait ia ka jingtyrwa ka Sorkar, ka HPC kala dawa ia ka Sorkar ban ai 200 sqaure meter ka jaka ia kawei pa kawei ka longiing nalor ka song pisa ba T. 20 lak ban shna iing.
