Shillong, Rymphang 09 : U Symbud Myntri Rangbah ka Jylla Bah Prestone Tysong ula pyntip ba ka Sorkar Jylla kala shim ia ka sienjam kaba tyngeh ban pynduhjait ia ka kam tih dewiong beain ha Jylla Meghalaya.
“Ngi la dep bthah ia ki bor District ba kin shim lut ia baroh ki sienjam bad pynthikna ba baroh kito ki kam beain ki dei ban sangeh lut noh” ong u Bah Prestone haba iakren bad ki nongthoh khubor ha ka sngi Nyngkong.
“Kaei kaei kaba la jia, ki bor Sorkar kila leh ia kaba donkam. Nga tharai phi lah iohi ia kaei kaba la jia, ngi la pyr shang katba lah hynrei mynta kane ka jingjia ba dang shu jia shen, phi tip bha ia ki jaka kyndong, nga tharai na surok bah ka shimpor haduh 3-4 kynta wat da ki kali saw shaka, ki jingeh kaba khraw wat ia ki Pulit ba kin leit. Kumta, kumba nga ong sha phi khamtam ha kane ka aion, ngi lah leh tyngeh bha, hadien ba jia kato ka jingjia” ula kular.
U Bah Prestone ula pyntip ba ka Sorkar kan sa file ia ka affidavit ha Iingkashari High Court hapoh ka shiphew sngi, hynrei ula kiar ban kynthoh shuh shuh namar kane ka kam ka don hapdeng ka jingbishar ka Iingkashari.
“Ai ba ka High Cpirt kan shim ia kiei ki sienjam kiba donkam na ka liang jong ka” ula bynrap.
