Aizawl, Rymphang 02 :Ki bor pahara ki la ioh ban kurup haduh 740 song u kwai tyrkhong ba shongdor haduh kumba T.18.5 lak na ki bynta jong ka Champhai district ka Mizoram bad kem noh ia hynniew ngut ki briew kiba donkti.
Kane ka jingkhynra ba la pynlong da ki shipai ka Assam Rifles bad ki bor pulit na Champhai ka la wanjia hadien ba ki la ioh ia ka jingtip kaba bniah.
Hadien kane la aiti noh ia une u kwai ba la ioh kurup kumjuh ia kine ki briew kiba la shah kem, sha ka tnat Custom ha Champhai ha ka 31 tarik u Kyllalyngkot ba la dep na ka bynta ban leh shuh shuh ia kaba donkam.
