Shillong, Risaw 05: Dang step phyrngab ha ka 4 tarik u Risaw, ki shipai Border Security Force (BSF) kila ioh ban kurup 16 tylli ki Muid kiba la kit ha ki lai tylli ki trok kiba thmu ban khaïï be-aiñ sha ri Bangladesh.
Ki shipai BSF kila pyntip ba ia kitei ki muid la shu thynnian ha kitei ki kali da ka jingthmu ban khaïï be-aiñ sha ri Bangladesh lyngba ki jaka khappud kiba hap hapoh ka East Khasi Hills District.
Ban tehlakam ia ki kam khaïï be-aiñ ha thaiñ khappud, ki shipai BSF kila buh iaki Mobile Check Post (MCP) ha kylleng ki jaka khamtam ha ki lynti ban poi sha ri Bangladesh kiba don ha East Khasi Hills, East Jaintia bad West Jaintia Hills.
Ki BSF kila pyntip ba kila trei shitom bad bud ryntih iaki kyndon aiñ ban tehlakam ia ki khaïï be-aiñ bad kine ki kam sniew kila sdang ban hiar namar ka jingbuh iaki MCP ha ki thaiñ khappud hynrei kila don pat ki nongkhaïï be-aiñ kiba la pyndonkam ia ki shnong ki thaw ban kren pyrshah ia ki BSF bad iaka jingbuh ia ki MCP, khnang ba kin ioh ban bteng laitluid ka jingkhaiïï be-aiñ sha ri Bangladesh.
