Nongpoh, Risaw 05: Ki Pulit ka Ri Bhoi District, hynne ka janmiet sngi Palei, kila ioh ban kem ia 3 ngut ki nongkhaii droks bad ioh kurup ia bun bah u droks heroin uba shongdor da ki phew lak tyngka.
Ia kine ki briew bad ia u drok la ioh ban kurup ha ka jingtalasi kali hapoh ka thain Nongpoh, hadien ka jingioh ia ka khubor ba thikna ba ki don ki nongkhaii droks kiba wan iaid lynti na ka thain da kawei ka bos night super.
Ki Pulit kila pynapshrip ia kane ka bos ha Nongpoh bad kila ioh ban bat noh ia ka. Kane ka bos ka don u nombor AS24-AC-1152 bad ka dei kaba wan na Silchar da ka jingthmu ban leit sha Guwahati.
Ha ka jingtalasi ia kane ka bos, ki Pulit kila ioh ban kurup ia u drok heroin uba khia haduh 921 gram uba la thep ha ki 30 tylli ki synduk sabon bala song bha.
Kine ki laingut ki briew kiba shah kem ki kynthup ia u Nongniah bad u nongbud jong ka bos. Ia kine ki briew la register case ha Nongpoh hapoh ki kyndon jong ka NDPS Act.
