Shillong, Jymmang 17: Ki Pulit ka East Khasi Hills kila ioh kem ia arngut ki nongkhaii droks ba nabar Jylla bad ioh kurup ia u droks ba shongdor T.1.5 klur.
Kane ka jingkhynra ka dei kaba la pynlong da ki Pulit ka Anti Narcotics Task Force (ANTF) jong ka East Khasi Hills hynnin ka sngi Palei.
Haba pynphriang ia ka khubor ha ka X, u DGP LR Bishnoi ula ai khublei ia ka ANTF bad ong “Kane kan phah ia ka khubor kaba tyngeh : Ka Meghalaya ka ieng tylli kawei pyrshah ia u droks ! To ngin iai bteng ban iakhun ia ka #DrugsFreeMeghalaya!”
Dang ha kine ki khyndiat sngi, ki Pulit ka East Jaintia Hills kila ioh kem ia 4 ngut ki nongkhaii droks ha ki artylli ki jingjia bad ioh kurup ia u droks bad u ganja ba shongdor haduh T.17 klur.
Ha kawei ka jingjia kaba jia ha ka 1 tarik Jymmang, ki Pulit kila ioh kurup ia 25 synduk sabon u droks ba shongdot T. 2 klur bad kem ia uwei u briew. Ha ka 8 tarik ruh kila ioh kem ia 3 ngut bad kurup ia u droks bad ganja ba shongdor T. 15 klur.
