Shillong, Naitung 28: Ki Pulit ka East Jaintia Hills kila ioh ban kurup ia u ganja ba shongdor T. 21 lak lem bad kawei ka kali Swift bad kem ia 3 ngut ki nongkhaii na ka shnong Kongong.
Ki Pulit kila pynlong ia ka jingkhynra kaba jop hadien ka jingioh ia ka khubor syntiat halor ka jingwan kine ki nongkhaii lem bad une u jingdih pynbuaid hapoh ka thain.
Haba sam ia ka jingtip lyngba ka Twitter, u Director General of Police ka Jylla Dr L R Bishnoi ula ai ka jingkhublei ia ka kynhun ki Pulit kiba la kloi ban khynra bad iohkem ia kine ki nongkhaii.
U Bishnoi ula ong ruh ba ki nongkhaii droks kila pyrshang ban pynbiej ia ki samla ba kin ngat ha ki jingpynap shrip bapher bapher jong ki.
Drug traffickers are trying to lure youths into its vicious traps but perpetual pursuit by @MeghalayaPolice paid another dividend!
Alert @ejhpolice seized Cannabis worth ₹ 21 Lakh,a swift car & nabbed 3 accused at Kongong.
Kudos to team@SangmaConrad @PIBShillong @proshillong pic.twitter.com/3k2ymOD3Ra— Dr L R Bishnoi, IPS (@lrbishnoiips) July 27, 2023
Dang ha ka 16 tarik Naitung, ki Pulit ka EJH kila iohkem ia arngut ki nongkhaii droks bad ioh kurup ia u droks ba shongdor T. 1.6 klur na ka shnong Nongsning.
In a swift operation, @ejhpolice nabbed two inter-state traffickers, seized Heroin worth ₹1.6 crore at Nongsning today. All-out assault by @MeghalayaPolice will continue against traffickers who target youth to cause their ruin.@HMOIndia @narcoticsbureau @PIB_India… pic.twitter.com/Aw4wA1zvtO
— Conrad K Sangma (@SangmaConrad) July 16, 2023
Ha ka 1 tarik Naitung, ki Pulit ka Ri-Bhoi kila ioh kem ia 3 ngut ki Nongkhaii ba kurup ia u drok ba shongdor T. 5 klur lem bad kawei ka kali Alto na ka shnong Lumkeni. Ia une u drok la lap da ka jingsma dien ki ksew K9.
