Shillong, Nohprah 13: Ki Pulit ka Mawryngkneng hynnin ka miet kila ioh ban kurup ia bun bah ka kyiad pyrsi bad kem ia 3 ngut ki briew.
Ia kane ka kyiad pyrsi la ioh kurup na kawei ka kali Alto ML11-1605 katba dang pynlong ia ka jingtalasi kali ha lad Mawryngkneng.
Ha kane ka jingtalasi, ki Pulit kila ioh kurup 240 liter ka kyiad kaba la thep ha ki 12 tylli ki jerkin ba 20 liter kawei.
Ki Pulit kila register case halor kane ka jingjia hapoh ka Meghalaya Excise Act.
