Shillong, Iaiong 16: Ki shipai BSF jong ka 43rd Bn ha ka sngi saitjaiñ kila ioh kurup palat 5000 Kilogram u kwai tyrkhong uba shongdor T.11 Lak ia uba la wan khaïï be-aiñ shapoh ri India.
Haba ki BSF Meghalaya kila ioh ia ki jingtip kiba paka ia ka jingkhaïï ia u kwai napoh ri Bangladesh shapoh ri India, kila pynlong iaka jingpynap shrip ha ka thaiñ Dampukaphal kaba hap ha ka jingkhmih jongka Rongra Police Station, South Garo Hills.
Ia kitei ki kwai tyrkhong la pynkit lyngba ki ar tylli ki kali bad ki BSF kila ioh ban bat ia kitei ki kali katba ki nongniah kila ioh ban phet krad noh na katei ka jaka.
Ki shipai BSF kila aiti noh ia kitei ki kali bad u kwai uba la ioh kurp sha ki pulit ka Ronra khnang ba kin ioh ban leh ia kaba donkam.
Pule lang ia kane: Mih ki runar ba pyndonkam ia ka kyrteng u Myntri Sorkar ban dawa pisa na u paidbah
