Shillong, Nohprah 16 : Ki shipai Border Security Force (BSF) ka Meghalaya Frontier, ha ka sngi Nyngkong, kala ioh ban kurup ia 2 tylli ki thuk thuk bad bun bah ki mar ba thmu khaii tuh sha Bangladesh.
Ia kine ki mar la ioh kurup na khappud ka thain East Khasi Hills bad South West Khasi Hills District.
Halor ki jingtip ba thikna, ki shipai BSF kila pynlong ia ka jingkhynra ha kylleng ki jaka khappud ka Ri-lum Khasi bad ha kane ka jingkhynra, kila ioh kurup ia artylli ki thuk thuk, ka shini, ki masi, ka kyiad, ki sohniamtra, blanket, syiar, rynsun bad kiwei kiwei.
Ki Nongkhaii tuh kila ieh ia kine ki mar ha ki jaka khlaw haba iohi ia ka jingwan kthong jong ki shipai ba sheptieng ia ka jingshah kem.
Ia kine ki mar la aiti noh sha ki Thanad Pulit ba kin tohkit bad leh ia kaba donkam.
 ka Meghalaya Frontier, ha ka sngi Nyngkong, kala ioh ban kurup ia 2 tylli ki thuk thuk bad bun bah ki mar ba thmu khaii tuh sha Bangladesh.){kind=link}