Shillong, Nohprah 31: Ha ka 30 tarik mynta u bnai ki shipai pahara khappud Border Security Force (BSF) Meghalaya ki la lah ban pynpulom ïa ki jingpyrshang khaii tuh ïa ki mar sha Bangladesh lyngba ki jaka khappud jong ka Jylla.
Hadien bala ioh jingtip ba thikna, ki shipai BSF ki la pynlong ïa ki jingkhynra ha shilynter ka khappud Indo-Bangladesh ha Meghalaya.
Ha kine ki jingkhynra, ki shipai BSF kila ioh kurup bun bah ki mar beain nalor u sying, ka kyiad, ka puchka, ki jainkup, bad ki payal thok, ba shongdor T.16.78 lak.
Ia kine ki tiar kiba la ioh kurup, kiba la thmu ban shalan tuh sha Bangladesh, la aiti noh sha ki ophis Custom na ka bynta ban pynlong ia ka jingtohkit kaba bniah bad ban leh ia kaba donkam katkum ka ain.
Kine ki jingtreikam bad ki jingkhynra ki pynpaw ia ka jingshimkhia ba khlem artatien jong ki BSF ban pynskhem ia u pud u sam jong ka Ri bad ka Jylla.
Ki shipai BSF ki long kiba husiar ban pynskhem bad ban ïada ïa ka jingshngaiñ bad jinglong ba janai ka jinglong jingman ha khappud.
 Meghalaya ki la lah ban pynpulom ïa ki jingpyrshang khaii tuh ïa ki mar sha Bangladesh lyngba ki jaka khappud jong ka Jylla.){kind=link}