Shillong, Nohprah 10: Ki shipai BSF kila iai bteng iaka jingkhynra ha ki thaiñ khappud bad ka ri Bangladesh bad ha ka 8 tarik u Nohprah kila ioh kurup iaka dawai Phensedyl bad ka shini kaba la thmu ban khaïï be-aiñ sha ri Bangladesh.
Ka 4th Battalion jongka BSF Meghalaya kila pyntip ba kila ioh ban tehlakam ia ka jingthmu ki runar ban khaïï be-aiñ ha ki thain khappud jong ka East Khasi Hills bad ioh ban kurup 375 bilor ka dawai jyrhoh Phensedyl kaba la thmu ban khaïï sha Bangladesh.
Nalor kane, ki BSF haba ioh jingtip kiba paka, kila pynlong mardor ia ka jingkhynra bad kila ioh ban kurup bun ka shini ia kaba la thmu ban khaïï be-aiñ sha ri Bangladesh.
Ki BSF kila pyntip ba ia kitei ki mar kiba la ioh kurup, la aiti noh sha ka ophis jong ka tnad Custom na ka bynta ban leh ia kaba donkam.
