Shillong, Rymphang 21: Ki shipai BSF ha ka sngi Baar kila pynlong ia ka jingkhynra ha kylleng ki jaka kiba don ha thaiñ khappud bad ka ri Bangladesh bad kila ioh ban pynpulom noh ia ki jingthmu ban khaïï be-aiñ.
Ki BSF kila pyntip ba kila ioh ban kurup noh ia ka Phensedyl bad ka shini kaba thmu ban khaïï be-aiñ sha ri Bangladesh.
Haba ki BSF kial ioh ia ki jingtip kiba thikna, kumta kila pynlong ia ka jingkhynra bad ioh kurup 200 bilor ka dawai jyrhoh Phensedyl katba dang ban khaïï be-aiñ sha Bangladesh lyngba ka khappud kaba hap ha East Jaintia Hills.
Ha kawei pat ka jingkhynra, ki BSF kila ioh kem ia 3 ngut ki nong India bad ka kurup 6,800 Kg ka shini na kylleng ki bynta ka thain khappud jong ka Meghalaya.
Ia kitei ki briew kiba la shah kem bad ia ki mar kiba la ioh kurup la aiti noh sha ka ophis jong ka Custom bad sha ka Police Station ba kin leh ia kaba donkam.
