Shillong, Rymphang 08 : Ki shipai Border Security Force (BSF), kila ioh ban kurup haduh T. 55,000 ka pisa thok na khappud ka East Jaintia Hills bad ka Bangladesh.
Ia kane ka pisa thok la wanrah da ki briew na Bangladesh, kiba la phetkrad mar syn iohi ia ka jingshah kthong ha ki BSF. Ka 172 Bn.
Ki BSF ki pyntip ba hynnin ka miet, kila iohi ia ka jingrung tuh jong ki katto katne ki briew na Bangladesh bad haba kila khtong, kine ki briew kila phet biang sha Bangladesh da kaba shim kabu ia ka miet bad ka jingrben ka khlaw.
Ki ong ba ka jingkhynra ha kane ka jaka, kila ioh ban kurup ia kawei ka pla kaba don haduh 105 tylli ki pisa thok jong la lut T.500.
Ki BSF kila ujor ia ka ejahar ha Umkiang Police Station bad la aiti noh ia kane ka pisa sha ki Pulit.
