Shillong, Iaiong 11 : Ki shipai BSF ka 172 Bn jong ka Meghalaya Frontier, kila ioh ban kurup ia bun bah u kwai Burma ba shongdor haduh T. 12 lak bad ioh kem ia 4 ngut kiba donkti ban khaii tuh.
Ia une u kwai bad ki briew la ioh ban bat na kawei ka bos kamai na ka thain Umkiang, East Jaintia Hills hynnin ka sngi nyngkong.
Kine ki briew ki kynthup ia u nongniah bad u nongbud. Kine ki briew kila phla ba kila wan na Tripura bad ia une u kwai la thmu ban kit sha ISBT Guwahati.
Ia kine ki briew bad u kwai la aiti noh sha ki Pulit ka Umkiang Police Station ba kin leh ia kaba donkam.
