Shillong, Iaiong 19 : Ki shipai Border Security Force (BSF) ka 110 Bn jong ka Meghalaya Frontier, kila ioh ban kurup haduh 22 tylli ki masi na khappud ka East Khasi Hills katba ki nongkhaii ki dang thmu ban khaii tuh sha Bangladesh.
Ia kine ki masi la ioh kurup hynnin ka miet narud jong ka wah Shella, ong ki shipai BSF kiba pyntip ba ki nongkhaii kila phet krad na kane ka jaka tang mar syn iohi ia ki shipai.
Ha kane kajuh ka sngi, ki shipai BSF ka 193 Bn kila pynpulom ia ka jingthmu ban khaii tuh ia ki iitkhmat ba don haduh 3380 tylli sha Bangladesh. Kine ki iitkhmat ki shongdor haduh T. 16 lak, ong ki shipai.
Ia kine ki mar ba ioh kurup la aiti noh sha ki Thanad Pulit ba marjan ba kin leh ia kaba donkam.
