Shillong, Lber 04: Ka BSF Meghalaya ryngkat bad ki Pulit Meghalaya kila pynlong ia ka jingkhynra ha ki khappud jong ka rilum Garo bad kila ioh kurup palat 33,000 Kg ka shini kaba thmu ban khaïï be-aiñ sha ri Bangladesh.
Ha ka jingkhynra kaba la pynlong ha khappud jong ka South Garo Hills District, ki BSF bad ki Pulit kila ioh kurup palat 33,000 Kg ka shini hapoh jongka 24 kynta na khappud da ka jingthmu ban khaïï sha Ri Bangladesh.
Ia katei ka shini la buhrieh ha kawei ka iing jah kaba don ha Rongra.
Ha kawei pat ka jingkhynra, ka BSF kala pynieng ia ka Mobile Check Post ha Baghmara bad kala ioh bat ia kawei ka trok kaba la kit bun bah ka shini kaba thmu ban khaïï sha Bangladesh.
Ki BSF kila iathuh ba u nongniah bad u nongbud jong katei ka trok kila phet krad da kaba shimkabu ia ka jingdum bad ki BSF kila leit ban aiti noh ia katei ka shini kaba la kurup sha ki bor kiba dei khmih ban leh ia kaba donkam.
