Shillong, Jymmang 29: Ki shipai Border Secuirty Force (BSF) jong ka 172 Bn BSF Meghalaya, kila ioh kurup haduh 20 tylli ki Masi ba thmu ban shalan tuh shapoh ka ri Bangladesh naki thain khappud ka East Jaintia Hills.
Ia kine ki masi, ki shipai BSF kila ioh kurup hadien ba kila pynlong ka jingtalasi ia ki kali ha ka Mobile Check Post ha Rattachera ha kaba kila ioh bat iaka trok kaba wan napoh ka shnong Kalain Assam sha Umkiang.
Ki shipai BSF kila pyrshang ban pynsangeh ia kane ka trok hynrei u nongniah jong kane ka trok ula pynher iaka kali kaba la pynlong ia ki shipai ban beh haduh ban da ioh bat.
Nalor kine ki masi, ki shipai BSF kila ioh ruh ban kurup 17 tylli ki masi na Rongtilla katba ki nongkhaii ki dang thmu ban shalan sha Bangladesh.
Naduh u bnai Kyllalyngkot 2023 haduh mynta, ki shipai BSF kila ioh bat haduh 1669 tylli ki masi ba thmu shalan tuh sha Bangladesh.
