Shillong, Jymmang 10 : Ki bor ka Sorkar Jylla kila kurup ia palat 6000 metric ton u dewiong ba tih be-ain ha East Jaintia Hills District.
Ia une u dewiong la ioh ban kurup da ka kynhun ba kynthup ia u Executive Magistrate ka EJHD, ka Tnad Pulit bad ki Heh Ophisar ka DMR, ha ka jingkhynra hapoh ka District. Ia une u dewiong la lap ba la pyllang sabar ka jaka bala buh ia u dewiong bala dep shim jingkhein.
Ia kane la pyntip da u Deputy Commissioner ka East Jaintia Hills District hynne ka sngi Saitjain.
Ka kynhun kala kurup mar mar ia une u dewiong bad hadien la pynkit noh ia u sha ka depot jong ka Coal India Limited (CIL) ba kan pynpeit lem.
Kat kum ka kaiphod jingkhein ba 9 tarik JYmmang bala ioh na u Divisional Mining Officer, ka jingdon jong une u dewiong bala kurup ka long kumba 6000 MT.
Ia ka ejahar la register hapoh ki kyndon ka Mines and Minerals (Development and Regulation) Act (MMDR) bad ka jingtohkit mynta kala iaid shakhmat.
