Tura, Naiwieng 15: Ka Garo Students’ Union (GSU) bad ka Federation of Khasi Jaintia and Garo People (FKJGP) kila pynlong ia ka jingkhynra bad kila ioh kurup ia ki dawai dashin ki bym long shuh na ka Iew kaba don ha Rongara, South Garo Hills District.
U President ka FKJGP u Tengsu Marak, ula ong ba ka jingpynlong ia katei ka jingkhynra kadei hadien ba kila iohpdiang ia ka jingujor na ki nongshong shnong.
Ha katei ka jingkhynra la shem ba ki nongdie dukan ha ka Iew Rongara kila shah kynnoh ba kila die da ki dawai bad kiwei kiwei ki mar, ki bym long shuh ne ki bym treikam shuh.
U President ka GSU Rongara Circle ula pynpaw ia ka jingsngewkhia ia katei ka rukom leh ym tang ha katei ka thaiñ hynrei ha kylleng ki bynta jong ka rilum Garo bad ula pynpaw ba ka long kaba donkam kyrkieh ban shimkhia ia kane ka mat kaba jia ha kylleng ki jaka bad ula kyntu ba dei ban shimkhia mardor khnang ba kan ym buh ha ka jingma ia ki nongthied.
Ha ka sngi Balang la thang noh ia baroh kitei ki dawai kiba la sniew ne ki bym treikam shuh.
