Shillong, Jylliew 09: Ka Directorate of Revenue Intelligence (DRI) kaba iakhun thma pyrshah ia ki Syndicate ki Nongkhaii droks hapoh ka Thain Shatei Lam Mihngi, ka la ioh ban kurup haduh 3.99 kilo u heroin na Mawryngkneng bad ioh kem ia uwei u briew uba kit ia une u jingdih buaid.
Ka Kynhun ka DRI, Shillong, kala ioh ban kurup ia une u droks ha ka jingpynap shrip hynnin ka sngi Palei ha Mawryngkneng hadien ka jingioh khubor ba kin don ki nongkhaii droks kiba wan pynpoi ia u droks na Myamar.
Ki briew ka DRI kila ioh bat ia kawei ka kali SUV ba kit ia une u droks bad kila kem noh ia uwei u briew kat kum ka kyndon jong ka NDPS Act, 1985, ong ki Heh ka DRI hynne ka sngi Thohdieng.
Ha ka jingtalasi ia ka kali, ka Kynhun kala ioh ban kurup haduh 307 tylli ki synduk sabon kiba thep haduh 3.99 kilo u powder rong stem. Ia kine ki synduk sabon la buhrieh hakhrum ka jaka shong jong ka SUV. Hadien bala leh test la pynthina ba une u powder u dei u drok heroin.
Ha ka jingtohkit, ka DRI kala shem ba ia une u drok la wan ban kit na Manipur lyngba ka Mizoram. Ka jingshongdor jong une u drok ha ki iew ka pyrthei kala kot ia ka T. 27.94 klur.
Ha u snem 2022-2023, ka DRI Shillong kala ioh ban kurup haduh 6.25 kilo u heroin ba shongdor haduh T. 43 klur ha ki iew ka pyrthei. Naduh u Iaiong 2022, ka DRI kala ioh ban kurup haduh 1358 kilo u heroin ba shongdor haduh T. 6670 klur, kynthup ia 23.7 kilo ba shongdor haduh T. 166 klur bala ioh kurup tang na kane ka thain Shatei Lam Mihngi ka Ri.
 kaba iakhun thma pyrshah ia ki Syndicate ki Nongkhaii droks hapoh ka Thain Shatei Lam Mihngi, ka la ioh ban kurup haduh 3.99 kilo u heroin na Mawryngkneng bad ioh kem ia uwei u briew uba kit ia une u jingdih buaid.){kind=link}