Shillong, Risaw 21 : Ka Directorate of Revenue Intelligence (DRI) hynnin ka sngi kala pynlong ia ka jingkhynra ia ki nong khaii droks ka thain Shatei Lam Mihngi hynnin ka sngi palei bad ioh ban kurup haduh 2.22 kilo u droks heroin n aka shnong Mawryngkeng, East Khasi Hills District.
Une u droks u dei uba wanrah na khappud Myanmar ban pyniaid iew ha India bad ka dor jong u ha ki iew ka pyrthei ka kot sha ka T.15.54 klur.
Ka DRI kala ioh ban kem ia arngut ki briew bad la pynngat ia ki hapoh ka kyndon jong ka NDPS Act 1985.
Ka DRI Shillong kala ioh bat ia ka kali jong kine ki arngut katba ki iaid lynti na Mawryngkeng bad ha ka jingkhynra kila ioh ban kurup haduh 150 tylli ki synduk sabon ba don u kynja powder rong stem ba 2.22 kilo kaba la pynthikna da ka jingleh test ba u dei u drok heroin.
Ha ka jingtohkit la lap ba une u droks ula wan lyngba ka Manipur bad u dei uba thmu ban pynpoi sha ki nongkhaii droks ha nongbah Shillong.
Tang ha une u snem, ka DRI kala ioh ban kuru haduh 21,000 kilo u jingdih pynbuaid kynthup ia u methamphetamine, cannabis bad heroin ba shongdor palat T. 65 klur ha ki iew ka pyrthei.
