spot_img

Kurup biang ki Pulit ia ki tiar shna bomb IED, ka pistol bad ka lama HNLC na Ri-Bhoi

Date:

Share post:

Shillong, Lber 13 : Ki Pulit ka Ri-Bhoi hynne ka sngi Balang, kila ioh kurup biang ia ki bomb, ka pistol bad ki lama jong ka HNLC na Ri-Bhoi District.

Kane ka jingioh kurup kala wan jia da ka jingphla jong uba shah kem, uba la ialam lynti ia ki Pulit ban pynlong jingkhynra ia ka Iingsah.

Ki Heh Pulit ki iathuh ba kine ki jingjia kila wan jia hadien ka jingtohkit ia ka case bala register hapoh ka Nongpoh Police Station hapoh ka kyndon 120B/121A IPC pule lang bad ka kyndon 10/13/18 UA(P)Act bad ka kyndon 5/6 Explosives substance act.

U Superintendent of Police ka Ri-Bhoi u pyntip ba ki tiar ba ioh kurup na kane ka Iing ki kynthup ia kawei ka pistol, katto katne ki galatin stick, ki detonator, ki ignition fuse bad ki lama HNLC.

U iathuh ba ha ka jingtohkit la shem ba ki nongialam ka HNLC na Bangladesh kila ai jingbthah ia ki dkhot ka Sleeper Cell ba kin pynbthei bomb ha Shillong bad Nongpoh.

Ula pyntip ba ki Nongialam ka HNLC kila pynbiej ban ai da ka song pisa kaba heh kynthup ka kali thymmai ia ki dkhot ka Sleeper Cell ba kin pynbthei bomb IED.

U iathuh ba dei kane ka kynhun Sleeper Cell kaba ju pynher ia ka lama jong ka HNLC ha ki snem bala leit noh halor ka jingbthah jong ki Nongialam na Bangladesh.

Ka jingtohkit mynta ka dang iaid shaid shaid ban nang lapdien shuh shuh ia ki kam ka Sleeper Cell ka HNLC.

Share post:

spot_img
spot_img

Popular

More like this
Related

Pan jaka ka NPWF na ka sorkar ban tei ia u motdur ba shirynieng jong ka Phan Nonglait

Shillong, Nailar 08: Ka National Peoples Women Front (NPWF)...

Sdang ka jingtih dewiong da ki kor saian | La shalan dewiong na Meghalaya sha kiwei ki Jylla ka Ri

Shillong, Nailar 08: U Myntri Rangbah ka jylla Conrad...

SPL 2025 | Pynliem ka Mawlai da 6-2 kol ia ka Sawmer

Shillong, Nailar 07: Ka Mawlai hynne ka sngi ka...