Shillong, Nailur 11 : U Myntri ka Tnad Pule Puthi Rakkam A Sangma ha ka sngi Palei, ula kular ba ka Sorkar kala kut jingmut hok ban pyndep ia ka jingtei jong ka Ampati Engineering College.
Haba jubab ha Iingdorbar, u Rakkam ula pyntip ba ka jingtei kaba la dep jong kane ka College ka long 25 % bad ka jingpynlut baroh lang kala kot T.15 klur haduh mynta.
“Nga kular ba ngin pyniaid shaid shaid ia ka kam bad ngin pynthikna ban pyndep ia ka Shillong bad Ampati Engineering College” ula ong.
U Myntri ula ai kane ka jingkular hadien ba u Nongialam ka Liang Pyrshah Mukul Sangma, ula kyntu ia ka Sorkar ban pyndep noh kham kloi ia ka project.
Ka MLA ka TMC na Ampari Miani D Shira kala pynsngew ia ka jingsngewkhia halor ka jingbym biang jong ka surok ban leit sha ka Ampati Engineering College.
U Myntri ula jubab ba ia ka surok ba shipor la donkam ban pyntrei da u contractor, haba kular ba ka Sorkar kan sa shimkhia ban tei ia ka surok kaba bha.
