Nongpoh, Kyllalyngkot 26: Ka All Meghalaya Karbi Association (AMKA) hynne ka sngi Palei kala pynhap pyrda noh ia ka Annual Conference ba 49, kaba dei ka lympung iakynduh lang jong baroh ki paid Karbi kiba shong ba sah hapoh ka Jylla Meghalaya, kaba la pynlong ha ka shnong Umrang, Umjaren, Ri-Bhoi District.
Ha kane ka sngi pynkut u Bah Prestone Tynsong symbud Myntri Rangbah ka jong ka jylla u la pynhap noh ïaka lama jong katei ka Conference kum u kongsan haka jingiadon lang u bah Mayral Born Syiem MLA ka Nongpoh kum u symbud kongsan, Bah Balajied Rani MDC Nongpoh, Bah MB Tongper, ADC Ribhoi, bah BB Makdoh President ka Synjuk ki Rangbah Shnong Ribhoi, R.R Ronghang President AMKA, ki nongialam jong ki seng bhalang bapher bapher lem bad kiwei kiwei.
Ki Nongialam jong ka AMKA ‘All Meghalaya Karbi Association ” Ki la ïathuh ba ïa kane ka lympung la ju leh man la u snem ha kylleng ki shnong jong ka jylla tad haduh ban kot shaduh kane ka sngi ka ba dei kaba 49. Ki la ong ruh ba ka jingthmu jong kane ka lympung ka long ban wanrah ïaka jingiatylli, jingïaieid bad jin ïa ithuh lang hapdeng ki paid Karbi.
Ha kane ka jingialang naka liang ki Nongialam jong ka AMKA ki la ïoh ruh ban ai ïaka Dorkhas ha ka kti jong u bah Prestone kaba la pynpaw ïaka jingkwah ban ïoh noh ïa ki 8 tylli ki Surok rong kiba don ha ki shnong bas ah ki Karbi.
U Symbud Myntri Rangbah ka jylla u bah Prestone Tynsong u la ai ka jingiaroh ïaki nongialam jong ka AMKA ba ki la lah ban bteng ïa kane ka Lympung haduh ba kan da kot sha u snem uba 49. U la ong ruh ba dei lyngba kum kine ki lympung ki paid Karbi kin ïoh ban ïa ithuh iwei ïa iwei pat.
U Bah Prestone haba kren halor ka Dorkhas u la ong, “Nga sngewthuh ïaka jingpynlong conference sha kane ka shnong ka bym pat ïoh ïa surok rong bad ban khot syndon ïa nga kum u kongsan uba dei u Myntri ba dei peit ïa ka PWD(Road), namar ba phi kwah ban pynïoh surok rong ïa kane ka surok kaba don 3 kilometre eiei”.
Shuh shuh haba ïadei ba katei ka Dorkhas, u la pynpaw paidbah ruh da kaba kular ban wanrah ia ka surok rong sha kitei ki 8 tylli ki surok namar ba u ïohi ba ki paidbah jong kine ki shnong ki hap ban mat shibun ki jingeh namar ka jingbym ïoh ia ka surok kaba bit ba biang.
“Ngan sa ïa syllok lang bad u MLA ka Nongpoh, MLA Jirang bad u MLA ka Umsning namar kitei ki 8 tylli ki surok ki hap lang ha kitei ki constituency” ula ong.
U bah Prestone u la ong, ka roi ka par jong ki Shnong bapher bapher kan wan lada ïoh ban wanrah nyngkong ïa ka surok kaba bit ba biang .
U bah Prestone u la pynpaw ruh ba un ïaleh ban pyn ïoh noh ïa u surok Nongpoh-Umden-Sonapur Road khnang ba kane ka thaiñ kan dang kiew bad kan nang roi ba baroh ki liang.
 hynne ka sngi Palei kala pynhap pyrda noh ia ka Annual Conference ba 49, kaba dei ka lympung iakynduh lang jong baroh ki paid Karbi kiba shong ba sah hapoh ka Jylla Meghalaya, kaba la pynlong ha ka shnong Umrang, Umjaren, Ri-Bhoi District.){kind=link}