Shillong, Jylliew 04 : U MP ba thymmai ka Shillong Dr Ricky AJ Syngkon ha ka sngi Ba-ar, ula kular ban pynurlong ia ki jingangnud jong ki paidbah ka Ri-lum Khasi Jaintia.
Haba iakren bad ki nongthoh khubor, u Dr Syngkon uba dei u General Secretary ka Voice of the People Party (VPP) ula ong ba ki paidbah kila ngiah bad kdang ia ka rukom leh politics kaba jia hangne ha Meghalaya.
“Ki paidbah ki kwah ia ka jingkylla bad ka result hynne ka sngi ka dei ka jingthrang bala slem bha jong ki paidbah. Kumta ngi phai shakhmat ban pynurlong ia kine ki jingphohsniew bad jingangnud jong ki paidbah ka Jylla” ula bynrap.
U Dr Syngkon ula pyntip ruh ba ula don ia ka jingkut jingmut kaba skhem halor ka thong jong ka VPP ban pynim, pynwan dur biang kumba ju long bad pynkylla dur thymmai ia ka Meghalaya.
“Ngi don 24 tylli ki mat ialap elekshon bad baroh kine ki mat ki dei kiba kongsan hakhmat jong ka party. Kum ka party ngin sa iashong lang bad ngin sa pynbeit ia kiei kiba kham hakhmat eh. Kiei kita ki ishu kiba ngin sa shim, ngin sa pyntip sha phi hadien ba ka party kala shong bad shim ia ka rai” ula ong.
Ula ong ba ka party kan sa shongshen ban rai halor ki seng sain pyrthei ba kan iatreilang ha New Delhi.
 ula ong ba ki paidbah kila ngiah bad kdiang ia ka rukom leh politics kaba jia hangne ha Meghalaya.){kind=link}