Shillong, Nailur 30 : U Myntri Rangbah ka Jylla Conrad K Sangma ula kular ban sa shong bishar ia ka jingdawa jong ki nong hikai Adhoc ba iakhih, kiba don hapoh ka lama jong ka Federation of Adhoc School Teachers of Meghalaya (FASTOM), kiba la pynlong ia ka jingiashong kyllain mungor ha kine ki khyndai sngi, ban dawa kyntiew kyrdan noh ia ki skul adhoc sha ki deficit.
Haba iakren bad ki nongthoh khubor ha ka sngi Ba-ar, u Conrad ula pynshai b aka kam jong ki nonghikai adhoc ka dei kaba pher na kiwei pat ki kynhun, namar kila ioh ia ka tulop ha ka pork aba biang, watla ka don ka jingpynslem hateng hateng. Ka jingsngewkhia ba hakhmat eh jong ki nonghikai adhic ka dei ka jingpynkiew ia ka song tulop.
Ka Sorkar ka dang bishar ia kane ka jingdawa, haba buh hakhmat ia ki jingktah ia kiwei pat ki kynhun nonghikai, kum ki nonghikai SSA bad ki nonghikai adhoc.
U Myntri Rangbah ula ban jur ba ka jingmynjur ia ka jingdawa jong kawei ka kynhun ka lah ban don ki jingktah ia kiwei pat ki kynhun. Kumta, ka Sorkar kan hap ban pyrkhat bha ia kine kiei kiei baroh hashuwa ban shim ia ka rai.
U Conrad ula pyntip ba ka Sorkar ka tip bha ia baroh ki jingeh jong baroh ki kynhun nonghikai hynrei kan hap ban pyn biang tarajur ia kine ki jingdawa bad u pud ba ka don.
, kiba la pynlong ia ka jingiashong kyllain mungor ha kine ki khyndai sngi, ban dawa kyntiew kyrdan noh ia ki skul adhoc sha ki deficit.){kind=link}