Shillong, Nailur 13: U Myntri Rangbah ka Jylla Conrad Kongkal Sangma hynne ka sngi ba-ar, u la kular ba ka Sorkar Jylla kan sa shong bishar halor ka jingdonkam ban ai ia ki kynja jingiarap sha ki longiing kiba julor na ki jingjiapynbthei bomb Improvised Explosive Device (IED).
“Nga la buh jingthoh ia ki jingai jingmut bad ngin sa shong bishar ia kane ka kam” ong u Conrad haba jubab ia ka jingkylli bynrai bala wanrah da I MLA ka East Shillong Kong Ampareen Lyngdoh ha Iingdorbar Thaw Ain.
I Kong Ampareen i la kyrpad ia u Myntri Rangbah ban pyrkhat lem ha kaban ai jingiarap ia ki longiing kiba shah pynjulor na ka jingpynbthei bomb IED haba kdew ia ka jingjia pynbthei bomb IED ba jia ha Iew Laitumkhrah myn ha ka 10 tarik Nailar 2021.
Kat kum ka jingong jong I, kane ka jingbthei bomb kala wanrah ia ka jingjulor kaba bun ia ki Iing ha kane ka jaka ba jia.
Ine I Nongthaw Ain i la wanrah ia kane ka mat iatai ha ka kynta kylli jingkylli katba ka Iing ka dang iakren halor ki longiing kiba julor na ki jingwan lynshop ki bor ka mariang.
Shuwa kane, I Kong Amparren i la pan jingtip la ia ki jingpynbthei bomb IED la ithuh ne em hapoh ka Disaster Management ia kaba u Myntri ba dei khmih ia ka Tnad Revenue & Disaster Management ma Kyrmen Shylla ula ong ba ka jingpynbthei bomb IED ka dei ka kam u briew.
“Ngam tharai ba kan kynthup lang hapoh ka Disaster Management namar ngi don da ki kyndon ia ka” ula ong.
