Nongpoh, Risaw 11 : Ki nongialam ka HNYF-Northern Region, ki la pynpaw ia ka jingsngewkmen ba u Chancellor ka University of Science & Technology Meghalaya (USTM) M. Hoque, ula pdiang sngewbha ia ki jingdawa ban iarap bad pyrkhat kyrpang ia ki samla pule Khasi ba wan na ki longiing baduk ba kin ioh pule ha ki lain bapher bapher khamtam ha ka MBBS hapoh ka skulbah.
Haba kren sha ki lad pathaikhubor ha Nongpoh, u General Srcretary ka HNYF Northern Region, Bah Alfred Malai, u la iathuh ba hynnin ka sngi, ki nongialam ka seng ki la leit iakynduh ia u Chancellor ka USTM, ha kaba ki la sngewkmen eh, namar ba u Chancellor u pdiang sngewbha ai ka jingkular ba un iarap kyrpang ia ki samla pule Khasi na ka jylla bad khamtam eh ia kiba na Ri Bhoi.
Ka seng ka kyntu ia ki samla pule kiba shem jingeh haba ki kwah ban pule ia ki lain jingpule bapher bapher kaba kynthup ruh ia kito kiba kwah ban pule Doktor, ba kin kynduh ia ki nongialam ka seng lada ki sngew kutlad.
 M. Hoque, ula pdiang sngewbha ia ki jingdawa ban iarap bad pyrkhat kyrpang ia ki samla pule Khasi ba wan na ki longiing baduk ba kin ioh pule ha ki lain bapher bapher khamtam ha ka MBBS hapoh ka skulbah.){kind=link}