KSU commemorates 190th death anniversary of Khasi freedom fighter — U Tirot Sing Syiem

Shillong, July 17: Kum ka dak jong ka jingkynmaw burom ia u Khlawait ka Ri, u Tirot Sing Syiem ha ka lyngkhuh sngi iap kaba 190, ka Khasi Students’ Union (KSU) hynne ka sngi Palei kala daw ana ka sorkar jylla bad na ki briew kiba don ha ka bor ban kin buh hakhmat ha kaban pyntreikam ia ki ain kiba kongsan ban iada ia ki jaka ki puta bad ia ki paidbah, ha ka jaka ban khap ribbon ha kino kino ki jingialang.

Ka KSU kala kynthoh ruh ia ki nongthawain kiba don ha ka Liang Synshar bad Liang Pyrshah halor ka jingpynlehnoh ei ia ka por ha ki jingkynnoh bad ki jingkynthoh mar kylliang ha ka jaka ban iatai bad ban pyntreikam ia ki ain kiban ai jingmyntoi ia ki paidbah.

“Ka sorkar jylla bad ki briew kiba don ha ka bor kim dei ban pynlehnoh ei kai ia ka por ha kaban khap ribbon hynrei kidei ban pyntreikam ia ki ain kiban iada ia ki paid riewlum bad ia ka jaka ka jongki” ong u President ka KSU u samla
Lambokstarwell Marngar haba kren ha ka jingialang kaba la pynlong ha u motsahnam jong u Tirot Sing Syiem hynne ka sngi Palei.

“Ki briew kila phah ia ki nongthawain sha ka Secretariat/Assembly ban thaw ia ki ain ban pynthikna ia ka jingshngain bad jingiada ia ka khyndew ka shyiap bad ia ki briew, hynrei ki nongthawain kiba na ka Liang Synshar bad Liang Pyrshah la iohi ba kila pynlutkai ia ka por ka jongki ha kaban kynnoh bad ban ia kynthoh, ha ka jaka ban bunkam ban iakren bad ban pynmih ia ki ain kiba kongsan kiban iada ia ka khyndew bad ia ki briew ki jong ngi” ula ong.

U Lambokstarwell Marngar ula ong ba ka KSU kala rah ia kiba bun ki mat kiba iadei bad ka jingshngain bad jingiada na ka bynta ki paid riewlum. Ula pynkynmaw ba bun ngut ki samla kila shah kem ha u snem 2013 ha ki jingiakhih ban dawa pyntreikam ia ka Inner Line Permit bad ula ong ba ka jingbym don ia ka mon na ka liang jong ka sorkar kala pynbor ia ki paidbah ban mih shak I surok ban pynjur ia katei ka jingdawa.

U nongialam ka KSU ula klyntu ia ki samla ba kin shim ia ka jingkitkhlieh na ka bynta ka jingshngain bad jingiada ia la ka jongka ri bad ka banjur ba kim dei ban shu shaniah tylli tang ha ki nongmihkhmat kiba la shah jied ha ki paidbah.

“Nga kwah ban ong, katba ngi dang ring mynsiem, ngim dei ban duh jingkyrmen, ngim dei ban shaniah ha kine ki Contractual MLA kiba shong ha Secretariat hynrei ngi donkam ban ieng skhem hala ka Nongrim ban iada ia ka jaka bad ia ki briew” ula ong.

Nalor kane, ula pynpaw ruh ia ka jingsngewkhia halor ka jingtyrwa ban pyntreikam iak a projek rel bad ula kynthoh pyrshah ia kito kiba donkti ba ki buh hakhmat iaka jingiohnong shimet ban ia ka bha ka miat jong ki paidbah.

“Haba ngi pyrshang ban wad ia ka daw halor katei ka jingthmu ban wanrah ia ka rel, ngi shem ba kane ka jingthmu kam dei ban ai jingmyntoi ia ki briew, hynrei kadei na ka bynta ka jingmyntoi shimet ka jongki” ula ong bad ka bynrapba ki paidbah kim dei ban long tang kum ki nongpeitkai hynrei ba kito kiba bat ia ka bor, kidei ban ia ia ki jingkhein ia ka jingleh ka jongki.

U Nongialam ka KSU ula ong ba ka seng ka iengskhem ha kaban shimkhia ia katei ka mat kaba ktah ia ka jingshngain bad jingiaid ia paid riewlum bad ka banjur ba ki riewshlur kim ju iap namar ba ka kam ka jongki ka bteng ban im.

Ula kyntu ia ka imlang sahlang ban long kiba peitngor bad ban ithuh ia ki bor kiba nabar kaba pyrshang ban pynpra ia ka imlang sahlang ha kaba bunsien ki ju rieh tngen ialade kum kita kiba don ia ka jingsngewlem.

U Lambokstarwell Marngar ula pynpaw ruh ia ka jingdonkam ban shimkhia ia ki mat kiba iadei bad ka imlang sahlang kum ka jingkynrei u droks bad kaj ingjur jong ki kam tuh hapoh Shillong bad ka buh jingkylli balei kitei ki jingeh kila ktah jur ia ka imlang sahlang watla kidei kiba bat ia ka jingling kordor jong ka kolshor.

Nalor kane ula kren ruh shaphang ka jingiatylli bad ka jingieng skhem ha kaban iakhun ia ki jingeh bad ula kyntu ia ka imlang sahlang ba kidei ban weng noh ia ki Lang ïong kiba buh hakhmat ia ka jingmyntoi ialade shimet ban ia ka bha ka miat jong baroh kawei ka imlang sahlang.

“Ngi lah iakhun pyrshah ia ki nongshun ki bym dei kiba nabar ka jylla hynrei kidei kiba imlang bad ngi. Ngi don ia kum kitei jaidbriew kiba kloi ban die ia ka jak ana ka bynta ka jingmyntoi shimet bad nga kyntu ba dei ban lap bad ban ithuh ia ki namar ba kala dei ka por ban weng noh ia kum kitei ki Langiong na ka imlang sahlang” ula ong.

Katba u Chairman jongka North East Student Organizations (NESO) u Bah Samuel Jyrwa ula kren halorka jingiakhun jong ki paid Khasi na ka bynta ka jaka bad ka hok ka jongki, haba rakhe pyndonburom ia ka lyngkhuh sngi iap kaba 190 jong u Tirot Sing Syiem.

U Bah Samuel Jyrwa ula buh jingkylli, la ki shnong ki thaw kila ioh mad shisha ia ka jingshngain bad ia ka jingioh jinglaitluid watla ka jylla kala jam sha ka jingdap 54 snem bad 78 snem jong ka jingioh ka ri India ia la ka jinglaitluid.

Ula kyntu ia ki khynnah samla ba kin shim ia ka jingkitkhlieh ban pynthikna ia ka jingshngain bad jingiada na ka bynta ki pateng kiban dang wan. Ula banjur ba ia ka jingdonkam ia ki samla ba kin ieng ban iakhun ban long ki trai ha la ka jong ka khyndew.

U Bah Samuel Jyrwa ula pynpaw ruh ha kaba iadei bad ka ka histori jong ka jingiakhun bad ka jingiakhih ki paid Khasi bad ula ai nuksa ba ha u snem 1979,
Bad 1990, bad ha ki snem kiba dang shu wan bad dang shen ki briew ha ka jingbym banse kila mih ha ki surok ban dawa ia ka hok ka jongki bad ula banjur ia ka jinglong kongsan ban bteng ia ka jingiakhun ban iada ia ka bha ka miat jongka imlang sahlang.