Shillong, Jylliew 08 : Ka Kong Bindas Syiem ha ka sngi Saitjain kala pynpaw ba kan dang iai bteng beit ia ka jingshong shah thngan kat haduh ba kala ioh ia ka jingkular kaba sngewhun na u Symbud Myntri Rangbah ka Jylla ba khmih ia ka Tnad PWD (Roads) Bah Prestone Tynsong.
Kane ka Longkmie na Umden kala shah shah jingit la lai sngi mynta ban dawa ia ka Sorkar Jylla ba kan shna noh ia ka surok Nongpoh-Umden sha Sonapur.
“Nga kwah ba u DyCM ba khmih ia ka Tnad PWD (Roads) ban ai ka jubab kaba hun naba u don ia ka bor” ong ka Kong Bindas haba iakren bad ki nongthoh khubor.
Hynne ka sngi, u MLA ka Nongpoh Bah Mayralborn Syiem ula leit iakynduh bad kyrpad ia ka Kong Bindas ba kan weng noh ia ka jingakhih naba ka Sorkar kala kular ba kane ka kam ba iadei bad surok ka dang iaid ha ka jingpynkhreh.
“Hynrei, ngan ym shaniah lada u MLA ne Engineer ka PWD ki ai jingkular. Watla, nga la sngew tlot, ngam pat long kaab la khreh ban weng ia ka jingiakhih tad haduh ba u DyCM ula wan bad ai ka jingkular hakhmat ki paidbah bad ruh ban batai ia ka por ban pyndep ia kane ka surok” kala bynrap.
Ka Kong Bindas kala pynpaw ba kala ngiah hi shoin ia ki kam kular thok ha ka por ialap elekshon.
 Bah Prestone Tynsong.){kind=link}