Shillong, Lber 27: U nongïalam ka Meghalaya BJP bah AL Hek u la ong ba ka jingphet seng ki bym ioh ticket ha Assam kan nym khanglad ïa ka BJP ban wanphai biang ha ka bor hadien ka ilekshon MLA.
“Man la ka elekshon phin ohi ïa shibun ki Aaya Ram, ki Gaya Ram bad kane kan dang ïai bteng,” ong u Bah Hek.
“Ngim lah ban pynhun ia baroh ki nongialam, lane ki nongialam ki pynhun ia baroh ki seng sain pyrthei. Kam ju jia tang ha ka BJP. Ki don bun bha ruh na ka Congress bad kiwei kiwei ki seng kiba iasoh bad ka BJP.”
Haba kylli hato ka BJP kan mad jingeh hadien ba ki don kiba la shah kyntait ban ïasoh bad ka Congress ne ban ïakhun kum ki kyrtong shimet, u Bah Hek u la ong ba ka jingïapher ka ot ïa baroh arliang.
“Ha ka por elekshon phin sa iohi shibun ki Aaya Ram, ki Gaya Ram kiba iaid ha ka sain pyrthei”, u la ong.
“Kata ym lah ban kiar.” Ula ong haba ban jur ba ka dei ka jinglong jong baroh ki party, ym tang ka BJP, NPP, Congress ne UDP.
Halor kylli halor thong jong ka BJP, u Bah Hek u la kyntait ban ai ia u nombar.“Ngam lah ban ong katno tylli ki seat ka BJP ka jop, hynrei ka sorkar BJP kan bteng beit ha Assam” u la ong.
U la kdew ba ki nongtrei bad ki dkhot ka BJP ki trei shitom bha ban ïoh ïa ka jingbun paid kaba pura,” hynrei u la bynrap “wat lada ka BJP kam poi sha ka jingbun paid, hynrei kan dang synshar ha ka jylla.”
