Nongpoh, Rymphang 14: Ka Byrnihat Sport Association (BSA) ha ka sngi Thohdieng, kala pynpaw ia ka jingkmen halor ka jingnang iaid shaid shaid ki jingtei pynbha ia ka stadium kaba don ha ka shnong Lumnongrim, Byrnihat.
Kane ka jingtei ka kynthup naduh ka stadium kaba paka, ki jaka shong peitkai paidbah bad kiwei kiwei, kiba la sdang naduh u snem 2022.
Ka BSA kala hiar jurip ia kane ka stadium ha ka jingialam u General Secretary Bah Wanphrang Lyngdoh, u Bah Iaineh Wahlang, nalor kiwei kiwei ki dkhot ka BSA.
Lah ban kdew, ba ia u mawnongrim ban tei ia kane ka stadium kaba paka ha ka shnong Lumnongrim, la wan ban plie ha u bnai Lber 2022 da u Bah Banteidor Lyngdoh, Myntri ka tnad Sport ka jylla ha katei ka snem. Iia kane ka stadium la mang pisa lyngba ka State Sport Council ha ka jinglut kaban kot kumba 5.7 klur tyngka.
Haba kren bad ki Nongthoh Khubor, u Bah Wanphrang Lyngdoh u la pynpaw ia ka jingkmen kaba khraw ba ka jingtei ia katei ka stadium ka la nang iaid shakhmat bad mynta ka la poi kumba 80 persen eiei. Ula ong ba ka jingtei ia ki jaka shong peitkai ki paidbah ne ka galery kaba paka bad kiwei kiwei, kan long shisha ka jingkyrkhu ia ka dong ka thain da kaba ai khublei ruh ia u Bah Sosthenes Sohtun, u ba dei u President ka BSA kumjuh u MLA ka Jirang Konstituensi u la lah ban pynioh ia kane ka stadium kaba paka.
U la iathuh ruh, ba ka jingwan ban jurip ia ka jingtei ia kane ka stadium ka long ruh ban pyntikna ba ki jingtrei kin iaid shaid shaid khnang ban pynmyntoi pat ia ki samla ka dong ka thain ba kin ioh ia ka jaka ialehkai bad jaka kilan kaba paka ha ka por kaba biang.
Ka BSA ka ai khublei kyrpang ia u Myntri Rangbah ka Jylla Conrad K Sangma kumjuh ia ka sorkar MDA, kiba la kloi ban phaikhmat sha ka jingdonkam kaba kongsan jong ka dong ka thain Byrnihat ban ioh ia ka stadium kaba paka katkum ka juk kaba mynta.
 ha ka sngi Thohdieng, kala pynpaw ia ka jingkmen halor ka jingnang iaid shaid shaid ki jingtei pynbha ia ka stadium kaba don ha ka shnong Lumnongrim, Byrnihat.){kind=link}