Shillong, Risaw 19 : U President ka Meghalaya Pradesh Congress Committee (MPCC) Bah Vincent H Pala ha ka sngi Palei, ula ong ba ka Congress kam don jingthut satia ban iatreilang bad kino kino ki seng sain pyrthei (kynthup ka NPP) lait noh na ka party Bharatiya Janata Party (BJP).
U Bah Pala ula kynthoh ia kane halor ka jingkylli ia ka rai jong ka Congress ban kyrshan ia ka Executive Committee (EC) ha Khasi Hills Autonomous District Council (KHADC) ba ialam da ka National People’s Party (NPP) watla ka jingkynnoh b aka NPP ka dei ka team-B jong ka BJP.
Ka NPP kala pynkhyllem ia ka Executive Committee ba ialam da ka UDP ha KHADC da ka jingkyrshan jong ka Congress.
“Ki seng sain pyrthei kin ym peit tang ia kawei ka liang hynrei kin peit ia ki liang bapher bapher bad ka jingiatreilang jong ngi ha District Council ka dei namar ka jingiashrut hapdeng jong ki (paralok ka MDA-NPP/UDP)” ula ong.
“Kawei ruh ba ngi pyrkhat ba lada don ka jingpynkylla ia ka Sixth Schedule bad haba ka NPP ka kyrpad ia ki nongialam jong ngi, kumta ngi la pyrkhat balei ba ngin ieh ia ka Jaidbynriew. Ngi dei ban ioh ia ka hok ban ai jingmut lem haba iadei bad ka jingpynkylla ia ka Sixth Schedule kaba la don haduh 6 tylli ki jingtyrwa ban pynkylla” ula bynrap.
U Bah Pala ula ong ba haba buh ha ka jingmut jingpyrkhat bad ki District Council ki dei kiba iada ia ka riti ka dustur, ka jinglong tynrai ki paid riewlum bad ka khyndew ka shyiap bad ba ki ishu ha ki ADC ki iapher bad ki ishu ha ka Sorkar Jylla, kumta ngi la iohi ba kam don jingeh satia ban iatreilang bad ka NPP lait noh ka BJP.
U Bah Pala ula pyntip ruh ba ka rai ban kyrshan ia ka EC ka NPP ha KHADC ka dei ruh kaba la leh hadien ka jingiasyllok bad ki nongialam na Delhi.
Nalor kane, une u MP na Shillong ula pyntip ba ka Bill ban pynkylla ia ka Sixth Schedule ka dei kaba la wanrah hapoh ka Iingdorbar Rajya Sabha naduh u snem 2019.
U Bah Pala ula ong ba ha ka jingsngewthuh jong u, ka BJP ka thrang bha ban pynkylla thymmai ia ka Sixth Schedule ka ban treikam ha ki 11 tylli ki ADC kiba don hapoh ka thain Shatei Lam Mihngi kynthup ha Meghalaya.
Pule lang ia kane: Elekshon Mizoram : Pyllait ka AAP ia ka kyrteng ki 4 ngut ki kyrtong
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
 ha Khasi Hills Autonomous District Council (KHADC) ba ialam da ka National People’s Party (NPP) watla ka jingkynnoh b aka NPP ka dei ka team-B jong ka BJP.){kind=link}