Shillong, Nohprah 05 : U Nongialam ka Congress bad Deputy Chief Executive Member (DyCEM) ka KHADC Bah Pynshngain N Syiem, ula ong ba katba ki nongtrei ka Congress kim sngewtynnad ia ka jingiatreilang bad ka National People’s Party (NPP), ka Congress kala lah pat ban leh shibun kiei kiei haba iadonlang hapoh ka EC bad ka NPP.
Haba iakren bad ki nongthoh khubor ha ka sngi Palei, u Bah Pynshngain ula pyntip ba bun ki nongkitkam ka Party kila pynpaw ia ka jingsngewkhia ia ka jingiatreilang jong ka congress bad ka NPP ha KHADC.
“Ki Nongtrei ka Party kila pynpaw ba kim sngewtynnad satia ban iatreilang bad ka NPP, hynrei naduh ka sngi kaba nyngkong haba ngi rai ban iatreilang bad ki, ngi la kren shai ba ka jingthmu bad ka thong ka long ban synniang ha kaban pynkhlain ia ka riti dustur, ki jingleh tynrai jong ki It ki Hima bad ki Shnong kiba hap hapoh u pud u sam ka District Council “ ong u Bah PN Syiem.
Ula kdew ruh ia ka jingkongsan ban iadonlang ha ka EC bad ka NPP namar ka jingpynkylla ia ka Sixth Schedule ka Riti Synshar ka Ri.
“Ka Jingpynkylla ia ka Sixth Schedule ka long kaba kongsan bha bad kan bha ia ngi ban iadonlang ha ka EC khnang ba ngin lah ban phah ia ki jingtyrwa bad ki jingai jingmut ban kan nym ktah ia ka Jaidbynriew” ula ong.
Kat kum ka jingong jong u, “Haduh mynta ka dang don ka jingpynbor ba ngi dei ban mih noh na ka EC. Ngi la lah ban leh shibun kiei kiei hynrei ngi hap ruh ban sngap ia ki nongtrei ka party bad ka AICC. Kane ka dang dei ka mat iakren ba dang thnem bha hapoh ka MPCC, Youth Congress, Mahila Congress”.
“Ia mynta, hooid ka lah ban nym slem shuh ba ngi hap ban shim ia ka rai kaba khatduh hynrei mynta ngi dang iakren naba ngim don eiei ban kynthoh pyrshah ia ki paralok ba ngi iatreilang namar ngi la ialeh shibun ki kam” ula bynrap.
U Bah PN Syiem ula ong “Nga tharai ngi hap ban iakren noh shaid shaid bad hadien ngin sa lah ban jam shakhmat bad ban shim ia ka rai”.
 ka KHADC Bah Pynshngain N Syiem, ula ong ba katba ki nongtrei ka Congress kim sngewtynnad ia ka jingiatreilang bad ka National People’s Party (NPP), ka Congress kala lah pat ban leh shibun kiei kiei haba iadonlang hapoh ka EC bad ka NPP.){kind=link}