Shillong, Rymphang 09 : Ka jingiap jong ki nongbylla tih dewiong ha ka jingbthei ka par tih dewiong beain ha Mynsngat-Thangsko, East Jaintia Hills, kala kiew sha ka 29 ngut da ka jingiap sa uwei uba shah sumar ha NEIGRIHMS.
Une u nongbylla ba iap u kyrteng u Raju Tamang, uba la khlad ha ka por 6:21 baje janmiet, ong u Superintendent of Police ka East Jaintia Hills.
Kane ka jingbthei bomb kala jia ha ka par ba tih dewiong beain ha ka 5 tarik Rymphang. Ka jingia wad ia ki briew ba dang jah, ka dang iaid shakhmat.
U Myntri Rangbah ka Jylla ula hukum ban pynlong da ka judicial inquiry ban lap ia ki daw jong kane ka jingbthei bad ban tynrong ia ka jingbahkhlieh.
Ka Iingkashari Meghalaya High Court ruh kala shim mukotduma ia kane ka jingjia bad kala bthah ia u Deputy Commissioner bad Superintendent of Police ka East Jaintia Hills ba kin wan hajir hakhmat ka Iingkashari.
Phra ngut ki nongbylla ki dang don hapdeng ka jingsumar ia ka jingmynsaw ha ki hospital.
