Shillong, Naitung 11 : Ka Myntri Pla Tyngka ka Ri Nirmala Sitharaman ha ka sngi Thohdieng kala ong ba kala don ka jingkiew haduh 572% ka jingai bhah khajna sha ka Meghlaya hapdeng u snem 2014-2024 haba ianujor sha ki shiphew snem bala leit (2004-2014), bad ka Jylla kala ioh haduh T.48,883 klur.
“Hapdeng u snem 2004 haduh 2014, ka jingai bhah khajna sha ka Meghalaya ka long T.7273 klur. Hynrei hapdeng u 2014-2024, kala kot T.48,883 klur, kaba jan kot 572% ka jingkiew” ong ka Sitharaman haba iakren bad ki nongthoh khubor ha Shillong.
Ka iathuh ba ka grants-in-aid sha Meghalaya ruh kala kiew, da T. 40,452 klur ba ioh pdiang hapdeng u snem 2014-2024 haba ianujor sha ka T.19,700 klur jong ki shiphew snem bala leit noh.
Haba pynpaw ba ka Special Assistance to States for Capital Investment (SASCI) scheme kala ai bun bah ka song pisa sha Meghalaya, ka Myntri kala ong ba ka Jylla kala ioh T. 5,471 klur kum shi bynta na ka T. 5.3 lak klur bala ai sha baroh ki Jylla.
“Ka Thain Shatei Lam Mihngi marwei ka ioh T.40,804 klur na kane ka T.5.3 klur. Ka Meghalaya marwei ka ioh T. 5471 klur. Kumta baroh ki Jylla ha NE kila ioh ia kane ka pisa khlem ka sut ba 50 snem, kaba ki lah ban pynlut ha ki capital assest” kala bynrap.
Haba kren halor u soh ka SASCI scheme, ka Sitharaman kala ong ba 18 tylli ki Jylla kila lah ban pynduna ia ka jingpyn sepei kai ia ki jaka ha ki Industrial Area, 22 tylli ki jaka la shah mynta ba kin buh hotel ha ki industrial zone bad 28 tylli ki Jylla kila shna ia ki hostel ia ki nongtrei kynthei kynthyp ha Meghalaya, u maw nongrim bala buh mynta ka sngi.
Ka Mynta pla tyngka ka pyntip ruh ba ka Sorkar Pdeng kala ai ia ka song pisa sha ki 22 tylli ki Jylla, kiba la kynjoh palat 10 % ka jingkiew ha ka jingpynlut pisa nala jong bad ong “Ka Sorkar Pdeng kala ai pisa bad ki Jylla ruh kila pyndonkam lang iala ka pisa bad kila ioh ia ka song T.20,000 klur kum ka performance incentives”.
“Ka SASCI kala iarap bha ia ki Jylla ban pynbun ia ki nongkynti, kaba ngam tharai kin lah ha ki 10 snem ban wan khlem kane ka pisa kaba wan” kala bynrap.
Ka Myntri Pla Tyngka kala pyntip ruh ba ka Sorkar Pdeng kala iarap ruh ia ki Jylla ba kin ioh ia ki Project ba bei tyngka nabar ka Ri kum ka jingiarap ka World Bank lane Asian Development Bank (ADB).
Haba iadei bad ka PM Intership Programme, ka Sitharam kala ong ba kane ka prokram kala ai ka lah ban leh intership ia ki samla ka thain Shatei Lam Mihngi bad 3660 tylli ki lad ha baroh kawei ka thain kynthup ia 114 ha Meghalaya.
, bad ka Jylla kala ioh haduh T.48,883 klur.){kind=link}