Nongpoh, Kyllalyngkot 10: U Coach ka Kick Boxing bad President ka Meghalaya Marshal Arts Federation (MMAF)Thomas Rongthaluh, ula ong ba lada ka Jylla ka lah ban ioh ia ki jaka hikai bad ki tiar kat kum ka jingdawa ka juk, khlem pep, ki samla ialeh Kick Boxing ka Jylla kin kham kiew bha shakhmat ban iakiwei pat ki Jylla.
U Thomas ula pynpaw ia kane hadien ba ka kynhun ialehkai Kick Boxing ka Jylla, kila ioh ban khur ia ki takma ksiar bad rupa na ka lympung ialehkai National Kick Boxing Championship bala pyniaid da ka Kick Boxing Federation of Inida (KBFI) ba long ha New Delhi.
Kine ki kick boxers ka Jylla kiba la ioh rah ia ki takma ki dei u Rimanbha Syngkli u ba la iakhun haka kyrdan 59kg bad ioh takma ksiar haka rynsan Full Contact bad takma rnong haka rynsan Point fighting, Samla Wankupar Syngkli uba la iakhun haka kyrdan 71 KG. uba la khur takma ksiar haka Rynsan Low Kick bad takma rupa haka rynsan Point Fight, Samla hyrnai khymdeit u la khur takma rupa haka rynsan kick light, Samla kyrshan lyngdoh uba iakhun haka kyrdan 54kg.u la khur takma rupa haka rynsan low kick, bad u Samla Francis Kleiñ uba iakhun haka kyrdan 63kg u la khur takma rupa haka rynsan low kick.
Kane ka kynhun ialehkai bala ialam hi da u Coach, kala wan phai hynnin ka miet sngi Ba-ar sha Jylla bad la pdiang burom ia ki da ka Ribhoi People Council RBPC hapoh ka jingialam u samla Jayson Nongrum kum u president ha shnong arphew-mer.
U Thomas ula pynpaw ïaka jingkmen ban wanrah ïaki takma sha iing lyngba kitei ki 5 ngut ki rang iakura bad ai ka jingiaroh ia kitei ki 5 ngut ba dei lyngba ka jingtrei shitom jong ki ba ki la lah ban wanrah iaka nam ka burom ym tang iaka Ribhoi District hynrei ia ka jylla hi baroh kawei.
U bah Thomas u la ai khublei ruh ïaki kynhun sengbhalang ki ba la don bynta ban snohkti naduh ka sngi ba ki mih na ïing ban pyndap lem ïaki jingduna jong ki ha kaba iadei bad ka leit ka wan. Ula pynpaw ruh ka jingkhublei ïaki riew shimet kiba la ïarap ban pyndap lem ïaki jingduna bad u la ong ruh ba lada kim don kine ki nongkyrshan kin nym lah ban poi shaduh kane ka thong.
Haba kren halor ka jingeh ki nongialehkai ka Jylla, u Coach ula ong kine ki samla ha ryngkat bad kiwei pat ki samla kiba u ju ai jinghikai ki hap ban kila met ialade ha ka jaka ba long madan bad ki hap ban shna hi ïaki tiar kilan met da ki dieng ki siej namar ba kim don ia ki tiar bad ki jaka milan met kaba biang bad dei halor kine ki jingduna ba kiwei ki jylla ki kham kiew sha jrong ha ka jingialehkai ban ia nujor bad ki nongialehkai jong ka jylla.
Ula pynpaw ruh ba lada kine ki samla kin ioh iaka jaka bad ïaki tiar ki ba biang khlem pep kin lah ban leh kham bha shuh shuh ban ïa kiwei pat ki jylla.
Thomas Rongthaluh, ula ong ba lada ka Jylla ka lah ban ioh ia ki jaka hikai bad ki tiar kat kum ka jingdawa ka juk, khlem pep, ki samla ialeh Kick Boxing ka Jylla kin kham kiew bha shakhmat ban iakiwei pat ki Jylla.){kind=link}