Shillong, Rymphang 25 : U Myntri Rangbah ka Jylla Conrad K Sangma ha ka sngi Balang ula ong ba ka jingkyrshew pisa kaba bun bha lah theh ha ka kam pule puthi, kynthup ka T.1866 klur na ka bynta ki 38 tylli ki skul Eklavya Residential School bad ka jingkyntiew kyrdan ia ki 2045 tylli ki skul hapoh ka Mission Education.
Haba jubab ia ka jingiatai halor ka mang tyngka ha Iingdorbar Thaw Ain, u Conrad ula ong “Ngi kmen ban pyntip sha phi ba lah dep ban kyntiew kyrdan ia bun tylli ki skul…ngi don ia ka jngkynshew ba T.1866 klur ha ki 38 tylli ki Eklavya Residential Schools.”
Haba kren halor ka jingiaid ki kam ha ka pule puthi, u Conrad ula ong “Halor ka pule puthi, haba nujor bad kiwei ki Jylla ha ak thain Shatei Lam Mihngi, ka jingdon paid jong ngi kat kum ka khana samari 2011 ka long 29 lak bad ka Tripura ka long 36 lak. Ka Meghalaya ka don 14,500 tylli ki skul katba ka Tripura ka don tang 4900 tylli ki skul”.
U Conrad ula pyntip ba ka Meghalaya ka don 55160 ngut ki nonghikai bad 7783 tylli ki skul Sorkar, bad 4172 tylli ki skul ki ioh ia ki adhoc grant
“Ngi dei tang ma ngi na ki Jylla kiba ai grant in aid sha ki 4172 tylli ki skul, kaba pynmyntoi ia ka kam pule puthi” ula ong.
